Con Andrea Maceiras

E chegou o día! Onte tivemos o encontro con Andrea Maceiras para falar sobre A folla azul. Antes de poder facerlle as preguntas que tiñamos preparadas  levounos "de viaxe" ata o Amazonas e ensinounos o mundo no que se inspirou para escribir a aventura de Husu. Despois da súa presentación, que estivo xenial, aínda tiñamos máis preguntas e máis cousas que queriamos comentar con ela. 

Antes de marchar asinounos os libros e achegouse á Radio BBS para unha entrevista. Case non a deixamos marchar! 😉

No blog da BBS tedes unha entrada sobre o encontro con máis imaxes. 

 

Grazas, Andrea!

Temos leitugas!

Hoxe botamos a andar un pequeno horto no cole! Xa tiñamos ganas! A aula de 1º preparou a terra e un pequeno tallón para plantar unhas leitugas. 

Xa empezamos a pensar nas ensaladas que imos comer antes de rematar este curso 😜

Que marabilla!

Mulleres viaxeiras

Estamos descubrindo a vida e as viaxes das incribles mulleres que forman a exposición que eleaboramos entre todas as aulas para o Día da Muller; todas elas sorprendentes e moi interesantes.

As nosas gazanias

As nosas gazanias xa están no exterior, a apañar a luz do sol e a aledar o patio. De momento están en maceta, cando medren un pouco transplantarémolas ao chan.

Traballando coas plantas

Continuamos aprendendendo e compartindo o aprendido sobre as plantas: partes, fotosíntese, respiración, reprodución...

Experimentando coas plantas

Esta semana completamos un experimento sobre a fotosíntese. É certo que as plantas liberan auga ao realizar a fotosíntese? Puidemos comprobalo nas árbores da nosa horta.

 

Día da Poesía

Este luns celebramos o Día da Poesía, elaboramos e recibimos agasallos poéticos, poemas para compartir nas aulas e nas casas. Poemas de diferentes autores, pero sobre todo versos de Xosé Mª Brea Segade, o poeta de Taragoña que dá nome ao noso cole.

Emilia Pardo Bazán: a condesa rebelde

Esta semana descubrimos a Emilia Pardo Bazán grazas a un material educativo elaborado por Minervas Educación. Comezamos vendo unha película sobre a vida e os logros de Emilia Pardo Bazán, para despois realizar unha serie de xogos en liña nos que se empregaba información sobre os rasgos principais da "condesa rebelde". Foi moi interesante coñecer os logros desta figura fundamental da nosa literatura e da nosa historia e facelo por medio de retos e xogos moi atractivos.

Tipos de plantas...da horta do Brea Segade

Para distinguir plantas con flor, anxiospermas e ximnospermas e plantas sen flor non temos que ir moi lonxe, a horta do Brea Segade ten de todo. Hoxe estivemos localizando e clasificando plantas e de paso descubrimos a riqueza natural do noso patio.