Arte da época contemporánea

A nosa máquina do tempo parou nos séculos XVIII, XIX e XX e propúxonos investigar sobre movementos pictóricos e os pintores ou pintoras máis destacados e interesantes. Cada quen escolleu o pintor/a que máis lle interesou, investigou, elaborou unha presentación, e así agora estamos aprendendo tod@s sobre a vida e a obra de 14 artístas da Idade Contemporánea. Aquí van imaxes das exposicións dos traballos. 

Dalí

Laxeiro

Maruxa Mallo

Dora Maar

Frida Kahlo

Kandinsky

Goya

Xulia Minguillán

Van Gogh

Paul Gaugin

Joan Miró

Creando videoxogos

 Esta semana descubrimos que somos quen de crear os nosos propios videoxogos. Volveu visitarnos Carlos Ces, o informático do Concello de Rianxo e desta vez ensinounos a traballar cun programa que nos permite crear personaxes, escenarios, inimigos... Videoxogos! Foi moi interesante, agora tócanos seguir fedellando 😄

Grazas, Carlos!

Galería de mulleres

Ao longo do mes de marzo estivemos traballando sobre as biografías de mulleres que admiramos polo seu traballo e os seus logros. Aquí está o noso mural dixital.

Creando con Audacity

Comezamos a descubrir as posibilidades de Audacity para a gravación e edición de son. Xa temos as primeiras producións, aínda mellorables, pero imos moi ben.  Hai madeira radiofónica en Sexto! 😃

Sintaxe: pronomes tónicos

Continuamos adentrándonos  nas clases gramaticais con Sintaxe. Que ganas tiñamos de descubrir os personaxes enmascarados!! 

Digicraft: camiño ao tesouro

Hoxe tivemos outra sesión de traballo con Digicraft. Desta vez había que superar tres retos para chegar ao planeta no que se agochaba un cofre cun tesouro. Os retos só podían resolverse seguindo as pistas de 3 diagramas de fluxo, que reproducen o sistema empregado na programación das intelixencias artificiais. Unha vez collido o truco aos diagramas de fluxo... imparables! Todas as parellas chegaron ao tesouro. 

E o tesouro era... unha partida en grupo ao Gartic Phone: debuxar, interpretar, escribir, volver debuxar e ver os resultados. Foron risas! E dúas partidas, claro!