Preparando o Día do Libro

 Ao longo da semana estivemos a preparar os nosos agasallos para os afillados e afilladas lector@s: contos e postais. O venres tivemos a nosa primeira experiencia como padriños e madriñas lectores, despois de 3 cursos sen poder celebrar a actividade. Sexto tomou moi en serio o seu papel, mirade que postais tan elaboradas.

No blog da BBS xa podedes ver reportaxe gráfica da celebración do Día do Libro na nosa biblioteca. 

A voar!

Ás para remontar o voo

Hoxe celebramos no cole o Día do Libro, que foi o sábado. Comezamos completando a mensaxe aos nenos e nenas do Día do Libro Infantil. Para iso fixemos por equipos un "ditado en movemento" coas palabras que faltaban no texto.

Despois, unha vez lemos a mensaxe, elaboramos avións de papel e os decoramos con títulos e ilustracións dos nosos libros favoritos.

E rematamos facéndoos voar!

"As historias son ás para remontar o voo"