Gravación para Sintaxe

Este venres quedamos comer no cole para rematar pola tarde a gravación dos audios dos vídeos das clases gramaticais do método Sintaxe. Gravamos, xogamos, bailamos... Estivemos xunt@s e pasámolo ben 😉

Rematamos...

content@s!

Arte da época contemporánea

A nosa máquina do tempo parou nos séculos XVIII, XIX e XX e propúxonos investigar sobre movementos pictóricos e os pintores ou pintoras máis destacados e interesantes. Cada quen escolleu o pintor/a que máis lle interesou, investigou, elaborou unha presentación, e así agora estamos aprendendo tod@s sobre a vida e a obra de 14 artístas da Idade Contemporánea. Aquí van imaxes das exposicións dos traballos. 

Dalí

Laxeiro

Maruxa Mallo

Dora Maar

Frida Kahlo

Kandinsky

Goya

Xulia Minguillán

Van Gogh

Paul Gaugin

Joan Miró

Pablo Picasso

Aquí está o resultado do traballo colaborativo en torno á vida e a obra de Pablo Picasso. Este mural virtual recolle a investigación realizada en grupos dentro do PDI De Viaxe!, que estamos desenvolvendo neste curso e que na aula de Sexto estanos permitindo descubrir diferentes etapas e figuras artísticas. Fantástico trabalo, Sexto!

Con José Vicente Somoza

Onte veu visitarnos José Vicente Somoza, o bisavó de Carla Rial. El foi quen atopou o Casco de Leiro e levabamos tempo querendo que nos contase de primeira man como foi atopar un dos achados máis importantes da Idade de Bronce. Carla xa nos dixera que daba gusto escoitalo e tiña toda a razón.  Contounos moitas cousas que non sabiamos e outras sobre as que xa leramos, pero que, contadas por el, resultaron aínda máis interesantes e nos quedaron máis claras. Grazas a el o Casco de Leiro forma parte do noso patrimonio e todos/as podemos coñecelo. 

Grazas, José, por vir falar con nós. 

Grazas a Sandra e a Manuel, por acompañalo. 

Sintaxe: o verbo

Este venres tivemos sesión especial de Sintaxe. Estiveron con nós Emilio, Diana e David e presentáronnos os recursos todos da 2ª nasa, para traballar co verbo. Que luxo! Que clariño nos quedou todo. Grazas!

Máis ca leña co cole Vilas Alborada

Este mércores tivemos a visita da aula de 6º de Infantil do colecio Vilas Alborada de Santiago de Compostela. Viñeron coñecer o espazo de Máis ca leña, así que un grupo de Sexto fixo de guías para eles. Foi unha visita diferente, na que tivemos que cambiar cousas para poder presentar o proxecto a nenos e nenas máis pequenos, pero gustounos moito! E eles quedaron encantad@s, sobre todo coas cabras e os burros, como non!

Grazas por vir visitar Máis ca leña!