Contatrás II-I

Festival das Letras Galegas

Folión de verán

 

5º recitando Folión de Verán, de Florencio Delgado Gurriarán no Festival das Letras Galegas.😍

Letras Galegas no Brea Segade

Este venres celebramos as Letras Galegas no cole cun programa ben completo: merenda especial, elaboración do maio entre todas as clases e festival das Letras con poesía de Florencio Delgado Gurriarán e música. 😃

Día da Poesía

Este luns celebramos o Día da Poesía, elaboramos e recibimos agasallos poéticos, poemas para compartir nas aulas e nas casas. Poemas de diferentes autores, pero sobre todo versos de Xosé Mª Brea Segade, o poeta de Taragoña que dá nome ao noso cole.

Atranques

A semana pasada rematamos o traballo sobre o Entroido. Quedábanos rematar os nosos primeiros atranques e compartilos. Aquí os tedes. 

Como se nota que tivemos unha experta en atranques ensinándonos como facelos. Grazas, Alba!

Día de Rosalía: caldo de gloria e pensamentos

Hoxe é o Día de Rosalía e no cole celebrámolo compartindo o "caldo de gloria" inspirado nos seu poema Miña casiña, meu lar e plantando pensamentos no patio de diante. 

Hoxe celebramos a importancia que Rosalía ten para a nosa cultura e pasado o día, seguiremos lendo e descubrindo a vida e a obra de Rosalía, porque temos moito que aprender dela.

Neste enlace podedes ver todas as actividades organizadas pola BBS para celebrar o Día de Rosalía.

Sementade pensamentos: haikus

E aquí está o podcast cos haikus de 5º no Día de Rosalía.

Día de Rosalía: sementade pensamentos

Libre o meu pensamento! 

 

Esta semana aprendemos a crear Haikus, composicións poéticas de orixe xaponés, de tres versos, sen rima e que sempre teñen unha referencia á natureza. Rosalía, a súa obra e o seu libre pensamento servíronnos de inspiración. 

Premede no símbolo de pantalla completa para velos en grande. 

Haikus Rosalía

Read more publications on Calaméo

Gravando haikus

Hoxe rematamos os haikus que escribimos seguindo a proposta da Asociación de Escritores en Lingua Galega para celebrar o Día de Rosalía. Son os nosos primeiros haikus, desta vez inspirados nos pensamentos e na obra de Rosalía. Decidimos gravalos e convertilos nun podcast, unha boa escusa para ir de novo á Radio BBS, que tanto nos gusta 😉

Sementade pensamentos

Estamos preparando a celebración do Día de Rosalía, o 23 de febreiro. A BBS sumouse ás propostas da Asociación de Escritores/as en Lingua Galega, que este ano ten como lema: Sementade pensamentos. Comezamos creando carteis coa imaxe de Rosalía decorada por pensamentos nos que algúns dos nosos versos favoritos de Rosalía de Castro. Quedaron así de chulos! 

Máis poemas para construír a Paz

Seguimos lendo poesía que fala de Paz, de Non Violencia e dun mundo mellor. Porque como en outros moitos temas, pasou o Día da Paz, pero non a necesidade de falar sobre ela e de traballar día a día por ela.

Poemas para construír a Paz

Estamos lendo poesía, Poemas para construír a Paz, unha escolma de poemas realizada pola BBS para traballar nas aulas sobre a paz e a non violencia. Cada día un de nós le un poema que escolleu e preparou na casa. Lemos e comentamos, porque nós tamén podemos construír a paz.