Mochila Viaxeira para Iván

Por pouco queda sen ela! 😅 Pero ao final as Mochilas sempre van a todas as casas. 

Mochila Viaxeira para Alejandro

Lecturas para esta ponte de maio. Que as desfrutes moito, Alejandro!

Preparando o Día do Libro

 Ao longo da semana estivemos a preparar os nosos agasallos para os afillados e afilladas lector@s: contos e postais. O venres tivemos a nosa primeira experiencia como padriños e madriñas lectores, despois de 3 cursos sen poder celebrar a actividade. Sexto tomou moi en serio o seu papel, mirade que postais tan elaboradas.

No blog da BBS xa podedes ver reportaxe gráfica da celebración do Día do Libro na nosa biblioteca. 

Contatrás II-I

Contadoras da BBS

Aquí están as tres expertas contadoras que esta semana nos deleitaron nos Contacontos do Recreo da BBS. Bravo!

Mochila Viaxeira para Héctor

Héctor levou a Mochila Viaxeira para o Nadal. Tes tempo de gozar dela devagar, que che guste moito todo o que a BBS compartiu nela!

Mochila Viaxeira para Irene

A casa de Irene é o segundo destino da Mochila Viaxeira de 6º. De seguro que nesta finde longa has quitar bo partido de todo o que vai na Mochila. Xa nos contarás, Irene. 😀

Autoxiros

Héctor recomendáranos o curso pasado varias actividades dun libro que collera na biblio, pero non tiveramos tempo a facelas xuntos. Decidimos comezar o curso con bo pé, poñéndonos ao día do que tiñamos pendente. Aquí tedes os nosos "autoxiros" en acción!! 

Grazas, Héctor, moi boa recomendación!

Hora de ler

Este venres recollemos na biblioteca a nosa caixa de lecturas para a Hora de Ler, que comezou xusto á volta do recreo. Temos un bo feixe de lecturas de diferentes xéneros e temáticas para escoller. 

ELBE 2: plataforma de lectura dixital

Comezamos a coñecer a plataforma de lectura dixital ELBE2, que nos vai permitir ler en soporte dixital libros que poderemos coller en préstamo.  Empregaremos a Hora de Ler para ir afacéndonos a este novo formato de lectura, que imos poder usar tamén nas casas.

Lendo a Pere Tobaruela

A semana que vén teremos un novo  "Encontro con escritores/as" organizado pola BBS. Nesta ocasión coñeceremos a Pere Tobaruela, así que levamos unhas semanas lendo algunhas das súas obras. Desta vez cada quen escolleu que obra quería ler, así que algúns leron Vouvos papar e outros/as  Mortos de Ningures. Nas dúas Pere Tobaruela colaborou con outras escritoras na creación dos textos; teremos que preguntarlle, entre outras moitas  cousas,  a súa opinión sobre a escrita colaborativa e sobre a novela de misterio.

Miles de libros

Esta foi unha semana ben intensa. De luns a xoves nas Horas de Ler contamos para todas as aulas do cole Miles de libros de Eduardo Baamonde. Máis que contar, representamos: aprendémonos os textos, buscamos xeitos de ambientar as escenas, ensaiamos e ... Acción! 

O mellor foi que participamos todos/as e iso sempre o fai máis divertido.

Banda deseñada

Comezamos a traballar sobre banda deseñada e a mellor maneira de descubrir as princiais caracterñisticas deste tipo de creacións é ir á BBS e remexer nos fondos de cómic.

Ás para remontar o voo

Hoxe celebramos no cole o Día do Libro, que foi o sábado. Comezamos completando a mensaxe aos nenos e nenas do Día do Libro Infantil. Para iso fixemos por equipos un "ditado en movemento" coas palabras que faltaban no texto.

Despois, unha vez lemos a mensaxe, elaboramos avións de papel e os decoramos con títulos e ilustracións dos nosos libros favoritos.

E rematamos facéndoos voar!

"As historias son ás para remontar o voo"