Luz

Levamos semanas traballando e experimentando sobre a luz. Entre outras cousas construímos os nosos Kaleidoscopios, para experimentar coa reflexión da luz e cos obxectos opacos, translúcidos e transparentes. Tamén usamos as lupas para intentar queimar papel, de momento sen éxito, e comprobamos a refracción da luz ao pasar do aire ao auga. Moi interesante!

Mesturas

Homoxéneas ou heteroxéneas? Andamos a voltas coas mesturas e nada mellor que experimentar para entendelas. Seguimos traballando co método científico: formulando hipóteses, observando e chegando a conclusións. 

Experimentando coa materia

Empezamos de novo cos experimentos en Naturais. Estamos a ver os cambios na materia, de momento con tres experimentos:

1. Limpar moedas vellas en sal e vinagre.

2. Ver o efecto do limón na oxidación dunha mazá.

3. Efectos do sol sobre o papel do xornal.

Autoxiros

Héctor recomendáranos o curso pasado varias actividades dun libro que collera na biblio, pero non tiveramos tempo a facelas xuntos. Decidimos comezar o curso con bo pé, poñéndonos ao día do que tiñamos pendente. Aquí tedes os nosos "autoxiros" en acción!! 

Grazas, Héctor, moi boa recomendación!

Reprodución asexual das plantas

Levounos un tempo, pero por fin puidemos ver como os gallos dunha flor de cera ao estar metidos en auga sacaban raíces. Xa temos unha nova planta na clase. Agora toca coidala.

Experimentando coas plantas

Esta semana completamos un experimento sobre a fotosíntese. É certo que as plantas liberan auga ao realizar a fotosíntese? Puidemos comprobalo nas árbores da nosa horta.

 

Tipos de plantas...da horta do Brea Segade

Para distinguir plantas con flor, anxiospermas e ximnospermas e plantas sen flor non temos que ir moi lonxe, a horta do Brea Segade ten de todo. Hoxe estivemos localizando e clasificando plantas e de paso descubrimos a riqueza natural do noso patio.