Primeiros Auxilios

Onte Sandra e Sonia, nais de Carla Rial e de Sabela e Helena, e enfermeiras de profesión, estiveron con nós ensinándonos nocións básicas de primeiros auxilios. Canto aprendemos! Trouxeron un par de bonecos para reanimación, un desfibrilador e un montón de boas recomendacións  sobre como actuar en situacións de emerxencia, accidentes, feridas...

Grazas, Sonia e Sandra! Foi moi interesante!

Piscina

O venres pasado comezamos as actividades na piscina en Educación Física. Que ben o pasamos! E aínda quedan 3 venres máis! 😃

Obradoiro de nutrición: despedida

Este venres rematou o obradoiro de nutrición que se desenvolveu no cole desde comezos do 2º trimestre. Rematamos cun xogo no que participamos coa aula de 3º. Eles tiñan que escoller entre diferentes produtos e preparar pratos equilibrados e nós valorar e xustificar a valoración sobre o seu traballo. Foi un bo xeito de repasar o moito que aprendimos nestes meses. 

Grazas, Eloy!

2ª sesión obradoiro de nutrición

Seguimos avanzando no obradoiro de nutrición impartido por Eloy Figueira Rial. Este venres tivemos a segunda sesión onde traballamos fundamentalmente sobre a interpretación das etiquetas dos alimentos.

Obradoiro de nutrición

O venres pasado comezamos un obradoiro de nutrición, ofertado polo Concello de Rianxo e impartido polo nutricionista rianxeiro, Eloy Rial Figueira. Esta actividade desenvolverase ao longo deste trimestre, un venres ao mes. 

Eloy falounos dos alimentos que precisamos para a nosa dieta e dos que temos que consumir en menor medida, dos nutrientes e de hábitos de alimentación saudables. Levamos traballo para casa, actividades sobre alimentación que temos que facer coas familias, antes do mes que vén. Canto imos aprender!