Entre as sorpresas que fomos argallando para os últimos días de curso, o Concello de Rianxo agasallou aos grupos de 5º e 6º cun exemplar de Cousas de Castelao, unha boa lectura para o verán, un imprescindible como rianxeiros e rianxeiras e un bo recordo do paso polo Brea Segade.
Grazas, Concello de Rianxo!
Por pouco queda sen ela! 😅 Pero ao final as Mochilas sempre van a todas as casas.
Lecturas para esta ponte de maio. Que as desfrutes moito, Alejandro!
Que gocedes moito dela, Carla!
Hoxe saíron de novo as Mochilas Viaxeiras, a de Sexto marchou para o Araño, para a casa de Daniela. Tes dúas semanas para gozar dela, Daniela, aprovéitaa ben! 😍
A casa de Irene é o segundo destino da Mochila Viaxeira de 6º. De seguro que nesta finde longa has quitar bo partido de todo o que vai na Mochila. Xa nos contarás, Irene. 😀
Por fin! Despois de 2 cursos nos que non as poidemos utilizar por protocolo Covid, volven as táboas da BBS, que usaremos na biblioteca e no recuncho dos xogos. Beeeen! 🎉🎉
Este venres estivemos personalizándoas e decorándoas coa temática da BBS para este curso, que volve ser as viaxes. Quedaron chulísimas!!!
Este venres recollemos na biblioteca a nosa caixa de lecturas para a Hora de Ler, que comezou xusto á volta do recreo. Temos un bo feixe de lecturas de diferentes xéneros e temáticas para escoller.
A semana que vén teremos un novo "Encontro con escritores/as" organizado pola BBS. Nesta ocasión coñeceremos a Pere Tobaruela, así que levamos unhas semanas lendo algunhas das súas obras. Desta vez cada quen escolleu que obra quería ler, así que algúns leron Vouvos papar e outros/as Mortos de Ningures. Nas dúas Pere Tobaruela colaborou con outras escritoras na creación dos textos; teremos que preguntarlle, entre outras moitas cousas, a súa opinión sobre a escrita colaborativa e sobre a novela de misterio.
 |
| "As historias son ás para remontar o voo" |
