O trivial do Brea Segade

 O martes xogamos ao trivial, pero non a un calquera, ao Trivial do Brea Segade! Houbo preguntas de Mates, Sociais, Naturais, Sintaxe, Máis ca leña e "salseo". Foi divertido!

Convivencia dos Sextos

Hoxe á mañá participamos nunha xornada de xogos cos Sextos do CEIP Ana Mª Diéguez de Asados e o CEIP A.D.R. Castelao de Rianxo. Seremos compañeiros/as o curso que vén no instituto e hoxe puidemos empezar a coñecernos un pouco xogando xunt@s na praia da Torre. 

Menuda tropa!

Creando videoxogos

 Esta semana descubrimos que somos quen de crear os nosos propios videoxogos. Volveu visitarnos Carlos Ces, o informático do Concello de Rianxo e desta vez ensinounos a traballar cun programa que nos permite crear personaxes, escenarios, inimigos... Videoxogos! Foi moi interesante, agora tócanos seguir fedellando 😄

Grazas, Carlos!

O mundo ao revés ;-)

 

Cracks!

 

  Atrevédesvos? Veña, probade!

Digicraft: camiño ao tesouro

Hoxe tivemos outra sesión de traballo con Digicraft. Desta vez había que superar tres retos para chegar ao planeta no que se agochaba un cofre cun tesouro. Os retos só podían resolverse seguindo as pistas de 3 diagramas de fluxo, que reproducen o sistema empregado na programación das intelixencias artificiais. Unha vez collido o truco aos diagramas de fluxo... imparables! Todas as parellas chegaron ao tesouro. 

E o tesouro era... unha partida en grupo ao Gartic Phone: debuxar, interpretar, escribir, volver debuxar e ver os resultados. Foron risas! E dúas partidas, claro!

Sintaxe: obradoiros

 Seguimos avanzando no método Sintaxe. Desta vez comprobamos o que levamos aprendido por medio de diferentes xogos e obradoiros polos que fomos rotando. Foi moi divertido!

A profe Carla

Hoxe Carla fixo uso da súa tarxeta-premio Digicraft e exerceu de profe na última sesión da mañá. Deu clase de Matemáticas e sorprendeu a todos/as cun exame sorpresa. Éche ben dura esta profe Carla! 😉 Aínda que ao final da clase repartiu  adhesivos para todos/as e compensou o susto do exame 😂

Bravo, profe Carla!

Emociónate e Córtex

 Nesta primeira semana do 2023 xa tivemos tempo para probar os nosos agasallos. Estannos gustando 😁