Gravación para Sintaxe

Este venres quedamos comer no cole para rematar pola tarde a gravación dos audios dos vídeos das clases gramaticais do método Sintaxe. Gravamos, xogamos, bailamos... Estivemos xunt@s e pasámolo ben 😉

Rematamos...

content@s!

Creando con Audacity

Comezamos a descubrir as posibilidades de Audacity para a gravación e edición de son. Xa temos as primeiras producións, aínda mellorables, pero imos moi ben.  Hai madeira radiofónica en Sexto! 😃

Radio BBS: Heredeiros da Crus

No mes de maio, Mes das Letras, imos investigar sobre grupos e interpretes de música galega e elaborar programas para emitir nos directos do recreo. Comezamos este xoves cos Heredeiros da Crus, que teñen na clase unha seguidora incondicional 😎 

Comezamos rockeiras/os 🎸 e, con cada programa, intentaremos descubrir diferentes estilos de música en galego.

Obradoiro de radio

Hoxe, dentro do proxecto Radio na Biblio do que forma parte a BBS, participamos nun obradoiro de radio impartido por Sergio Pascual de Laboratorio da Radio. 

Entre outras moitas cousas aprendemos que o fundamental na radio é escoitar e que os ingredientes imprescindibles para facer radio son: a voz, a música, os efectos de son e o silencio. Fixémos xogos, escribimos guións e acabamos gravando as nosas historias. 

Agora só temos que seguir experimentando e gozando do traballo na radio. 📻💖

No blog da BBS tamén falan sobre este obradoiro.

Sementade pensamentos: haikus

E aquí está o podcast cos haikus de 5º no Día de Rosalía.

Gravando haikus

Hoxe rematamos os haikus que escribimos seguindo a proposta da Asociación de Escritores en Lingua Galega para celebrar o Día de Rosalía. Son os nosos primeiros haikus, desta vez inspirados nos pensamentos e na obra de Rosalía. Decidimos gravalos e convertilos nun podcast, unha boa escusa para ir de novo á Radio BBS, que tanto nos gusta 😉

Concerto de jazz

Este venres tivemos un concerto didáctico de jazz no colexio. Silvia Ferre, Miro Lamas e Alfredo Susavila leváronnos nun percorrido pola música jazz desde as súas orixes, pasando por diferentes etapas e estilos, adaptando cancións infantís e demostrándonos que o jazz pode gustarnos moito a grandes e a pequenos/as.  Encantounos! 

Ao rematar Alex e Icía, xunto con Anxo e Icia de 2º, fixéronlles unha entrevista para a Radio BBS. Estaremos atent@s a cando se publique o podcast, seguro que contaron cousas interesantes. 

Grazas á Escola de Música de Rianxo e ao Concello de Rianxo por traer música ao vivo ao noso cole.

Grazas, Silvia, Alfredo e Miro!  

Así de ben soou: 

 

Imos de concerto! E levamos o asento 😀

Xa estamos!

Nas ondas!

Esta semana fixemos o noso último directo do recreo do 2021. Repetimos o programa sobre Mother Mother que elaboran Carla e Alejandro, desta volta con novas locutoras e eles nos mandos. Para o 2022, máis radio e máis directos da nosa autoría! 😍

Directo da radio BBS: Mother, Mother

O xoves pasado a radio BBS emitiu no recreo o primeiro directo elaborado integramente por alumnado. Carla Rial e Alejandro prepararon a escaleta e escolleron música para dar a coñecer ao grupo canadiense Mother, Mother. Emitírono Carla, Alejandro, Alexander e Almudena. 

Bravo! 👏👏

Ha ser o primeiro de moitos.

En directo

En directo e levando o control da radio; que grandes!

Mancomún

En Valores Sociais e Cívicos estiveron investigando sobre o monte en mancomún e a Comunidade de Montes de Taragoña; con todo o que aprenderon elaboraron dous podcasts na Radio BBS: un programa sobre o monte mancomunado e unha entrevista a Emilio Saborido e Miguel Rial, o pai de Icía, que son membros da Comunidade de Montes. 

 

Aquí os tedes:  

Monte en mancomún  

Entrevista a Emilio e Miguel