Arte da época contemporánea

A nosa máquina do tempo parou nos séculos XVIII, XIX e XX e propúxonos investigar sobre movementos pictóricos e os pintores ou pintoras máis destacados e interesantes. Cada quen escolleu o pintor/a que máis lle interesou, investigou, elaborou unha presentación, e así agora estamos aprendendo tod@s sobre a vida e a obra de 14 artístas da Idade Contemporánea. Aquí van imaxes das exposicións dos traballos. 

Dalí

Laxeiro

Maruxa Mallo

Dora Maar

Frida Kahlo

Kandinsky

Goya

Xulia Minguillán

Van Gogh

Paul Gaugin

Joan Miró

Pablo Picasso

Aquí está o resultado do traballo colaborativo en torno á vida e a obra de Pablo Picasso. Este mural virtual recolle a investigación realizada en grupos dentro do PDI De Viaxe!, que estamos desenvolvendo neste curso e que na aula de Sexto estanos permitindo descubrir diferentes etapas e figuras artísticas. Fantástico trabalo, Sexto!

Con José Vicente Somoza

Onte veu visitarnos José Vicente Somoza, o bisavó de Carla Rial. El foi quen atopou o Casco de Leiro e levabamos tempo querendo que nos contase de primeira man como foi atopar un dos achados máis importantes da Idade de Bronce. Carla xa nos dixera que daba gusto escoitalo e tiña toda a razón.  Contounos moitas cousas que non sabiamos e outras sobre as que xa leramos, pero que, contadas por el, resultaron aínda máis interesantes e nos quedaron máis claras. Grazas a el o Casco de Leiro forma parte do noso patrimonio e todos/as podemos coñecelo. 

Grazas, José, por vir falar con nós. 

Grazas a Sandra e a Manuel, por acompañalo. 

Presentando o Casco de Leiro

Ao longo destes últimos días compartimos o que aprendemos sobre o casco de Leiro cos compañeiros e compañeiras de 3º, 4º e 5º. Fixémolo na biblioteca, onde tamén estivo exposto estas ultimas semanas a réplica do casco de Leiro que teñen no Concello e que nos deixaron para que todo o cole puidese vela. Estivo moi ben presentar o noso traballo ao resto dos compañeiros e compañeiras.

Obradoiro de títeres

Esta semana estamos a participar nun obradoiro de títeres impartido por Electra Menéndez, da asociación Morreu o demo. Comezamos elaborando guións para as nosas obras de títeres, que van ser tres diferentes, coa temática das viaxes. Guións listos! Mañá comezamos coas personaxes, decorados e attrezo e remataremos representando as nosas obras. Que ganas!

Viaxando por Europa V

Rematamos coas presentacións sobre os nosos lugares favoritos de Europa. Moi bo traballo, rapaces e rapazas! Boas presentacións, boas animacións e boas exposicións. Bravo! 👏👏

Viaxando por Europa IV

Novas presentacións, novos destinos apetecibles no continente europeo e novos xeitos de animar e presentar a información. Continuamos vendo moi bos traballos.

Viaxando por Europa III

Novas presentacións sobre os nosos lugares favoritos de Europa. Seguides demostrando que as presentacións dinámicas non teñen segredos para vós.

Viaxando por Europa II

Seguimos compartindo presentacións de países de Europa que vos gustaría visitar. Seguimos comprobando que estades feitas unhas cracks nisto das presentacións e das animacións de textos e imaxes. Moi bo traballo!

Viaxando por Europa

Despois dunhas semanas traballando sobre Europa e aprendendo a facer presentacións animando  imaxes e textos, comezamos a expoñer os traballos. Están moi ben! Cada quen escolleu que lugares visitaría en Europa e preparou unha pequena ficha sobre o país. Compartimos as presentacións en PDF, así que perdemos as animacións, pero o certo é que temos expertos/as na clase en presentacións dinámicas. Bravo!

A miña grande viaxe

 Despois de escoitar o conto co que a BBS abriu o curso este ano A grande viaxe de Anna Castagnoli, puxemonos a falar sobre cal sería a nosa grande viaxe e despois pasámolo a papel, decorámolo e presentámolo ao resto da clase. Aquí están, grande variedade de destinos reais e imaxinarios: