Máis atrapasoños

Seguimos rematando os atrapasoños e algúns xa comezaron co seguinte proxecto con la en Plástica. 

Estéticas

Na aula de Valores estamos traballando sobre as diferentes estéticas na vestimenta, nos gustos musicais, na maneira de entender o mundo... Coñecer é o primeiro paso para respectar. E niso estamos, coñecendo. O primeiro resultado é un mural que xa preside as escaleiras ao segundo andar. Han vir máis cousas...

Atrapasoños

Neste trimestre imos traballar con la en Plástica, facendo diferentes proxectos. Comezamos creando os nosos atrapasoños e está a gustarnos moito. 

A cidade violeta

Este luns o escritor Anxo Fariña estivo no noso colexio realizando un obradoiro sobre igualdade de xénero. Empregou como base do obradoiro a ilustración e por iso compartiu con nós trucos para debuxar personaxes, técnicas de pintura con témperas visibles na escuridade con raios ultravioletas e boas recomendacións sobre vivir en igualdade cada día. 

Ao igual que na cidade violeta, aínda hai moitas desigualdades que descubrir e erradicar da nosa sociedade, non dubidemos en facelas visibles (con ou sen luz ultravioleta) e combatilas. 

Papiroflexia: creando con papel

Andamos a voltas co papel, de momento, creando animais.

Entroido!!!

Con algo na cabeza!

 E tempo de Entroido, de festa de disfraces, de filloas, de orellas, do Toribio... É tempo de pasalo ben!

Comezamos a semana cos mandados do Toribio, como non! E na clase estamos a tope prepararando os nosos disfraces para o venres de Entroido.

Non podemos dar máis pistas! 

Luz

Levamos semanas traballando e experimentando sobre a luz. Entre outras cousas construímos os nosos Kaleidoscopios, para experimentar coa reflexión da luz e cos obxectos opacos, translúcidos e transparentes. Tamén usamos as lupas para intentar queimar papel, de momento sen éxito, e comprobamos a refracción da luz ao pasar do aire ao auga. Moi interesante!