Pablo Picasso

Aquí está o resultado do traballo colaborativo en torno á vida e a obra de Pablo Picasso. Este mural virtual recolle a investigación realizada en grupos dentro do PDI De Viaxe!, que estamos desenvolvendo neste curso e que na aula de Sexto estanos permitindo descubrir diferentes etapas e figuras artísticas. Fantástico trabalo, Sexto!

Saída a Santiago: cubertas da catedral

Era unha dos momentos máis agardados do día: subir ás cubertas da catedral. Non as tiñamos todas con nós, pero Luz asegurounos que iamos subir. E subimos... Nese momento chovía e ventaba coma nunca, así que a visita foi visto e non visto, pero alí estivemos. Marchamos antes de saír voando, pero comprobamos que a catedral non está cuberta de tellas 😅 e que a visita nun día con bo tempo ten que ser impresionante. Repetiremos!

Saída a Santiago: catedral

Se chove, deixa chover!

Pois si, ao saír dos museos seguía chovendo e ventando, o día non nos deu tregua. Imprescindible protexerse da chuvia e comer a cuberto, en Área Central. Aínda así botamos unhas risas, xogamos...

E xa pola tarde... Visitamos o Pazo de Xelmirez, o Museo da Catedral e a catedral. Acompañounos Luz, que nos foi explicando a historia, a arte, os ritos e tradicións das marabillas que tiñamos ante nós. 

 

Na tribuna

Na Porta Santa

No Pazo de Xelmirez

Saída a Santiago: Museo do Pobo Galego

No Museo do Pobo Galego houbo que buscar información nas diferentes salas para completar un cuestionario sobre os fondos expostos. Desta vez non tivemos guía, fomos nós os que descubrimos o museo. Canto por descubrir no Museo do Pobo Galego!!

Anda! Mira o que atopei!

Como nos gustou a escaleira helicoidal

 de Domingo de Andrade (1639 – 1712)!

Proba superada!
Superamos o Museo en test e a subida pola escaleira de Bonaval.

Saída a Santiago: CGAC

Este xoves estivemos en Santiago de Compostela. Visitamos o Centro de Arte Contemporáneo, o Museo do Pobo Galego e a catedral. A predición do tempo era terrible, pero: quen dixo medo á chuvia? Nós non! E a predición cumpriuse, choveu e ventou sen parar mañá e tarde, pero nós pasamos un día fantástico. 😃

Merendando na porta do CGAC

Visitamos a exposición Camiños, acompañados por Natalia, que nos foi falando do propio CGAC que é, en si, unha obra de arte contemporánea e das obras que forman parte da exposición: cadros, fotografías, montaxes en vídeo, performances, esculturas, obras en 3D...

Despois chegou o tempo do obradoiro de creación no que Natalia convidounos a crear o camiño das nosas vidas empregando diferentes materiais plásticos e de refugallo

Con todos os nosos camiños elaboramos unha montaxe e despois algúns explicaron que momentos da vida representaban os diferentes elementos dos seus camiños. Moi, moi interesante!

E a sorpresa final foi: a luz ultravioleta!

Sodes artistas contemporáneos! 😍