Arte da época contemporánea

A nosa máquina do tempo parou nos séculos XVIII, XIX e XX e propúxonos investigar sobre movementos pictóricos e os pintores ou pintoras máis destacados e interesantes. Cada quen escolleu o pintor/a que máis lle interesou, investigou, elaborou unha presentación, e así agora estamos aprendendo tod@s sobre a vida e a obra de 14 artístas da Idade Contemporánea. Aquí van imaxes das exposicións dos traballos. 

Dalí

Laxeiro

Maruxa Mallo

Dora Maar

Frida Kahlo

Kandinsky

Goya

Xulia Minguillán

Van Gogh

Paul Gaugin

Joan Miró

Pablo Picasso

Aquí está o resultado do traballo colaborativo en torno á vida e a obra de Pablo Picasso. Este mural virtual recolle a investigación realizada en grupos dentro do PDI De Viaxe!, que estamos desenvolvendo neste curso e que na aula de Sexto estanos permitindo descubrir diferentes etapas e figuras artísticas. Fantástico trabalo, Sexto!

Mochila Viaxeira para Alejandro

Lecturas para esta ponte de maio. Que as desfrutes moito, Alejandro!

Preparando o Día do Libro

 Ao longo da semana estivemos a preparar os nosos agasallos para os afillados e afilladas lector@s: contos e postais. O venres tivemos a nosa primeira experiencia como padriños e madriñas lectores, despois de 3 cursos sen poder celebrar a actividade. Sexto tomou moi en serio o seu papel, mirade que postais tan elaboradas.

No blog da BBS xa podedes ver reportaxe gráfica da celebración do Día do Libro na nosa biblioteca. 

Mochila Viaxeira para Carla

Xa leva nove viaxes e a Mochila de Sexto segue incansable o seu camiño. 😉

Que gocedes moito dela, Carla!

Contadoras da BBS

Aquí están as tres expertas contadoras que esta semana nos deleitaron nos Contacontos do Recreo da BBS. Bravo!

Día da ilustración: Mª Antonia Dans

 O 30 de xaneiro celébrase o Día da Ilustración. Neste ano a homenaxeada é Mª Victoria Dans. A BBS elaborou dúas actividades para que coñeceramos mellor a súa vida e a súa obra. Ademais cada clase recibiu un "anaco" dunha das súas obras para que colorearamos e entre todos reinterpretemos. No noso anaco había dúas caras e o resto... Nin idea! Pero nós coloramos igual e quedou moi ben. A ver como queda e que é cando xuntemos todos os anacos. 

Mochila Viaxeira para Alexander

 A primeira viaxe do 2023! Que che guste moito, Alexander!

Presentando o Casco de Leiro

Ao longo destes últimos días compartimos o que aprendemos sobre o casco de Leiro cos compañeiros e compañeiras de 3º, 4º e 5º. Fixémolo na biblioteca, onde tamén estivo exposto estas ultimas semanas a réplica do casco de Leiro que teñen no Concello e que nos deixaron para que todo o cole puidese vela. Estivo moi ben presentar o noso traballo ao resto dos compañeiros e compañeiras.

Mochila Viaxeira para Héctor

Héctor levou a Mochila Viaxeira para o Nadal. Tes tempo de gozar dela devagar, que che guste moito todo o que a BBS compartiu nela!

Mochila Viaxeira para Daniela

Hoxe saíron de novo as Mochilas Viaxeiras, a de Sexto marchou para o Araño, para a casa de Daniela. Tes dúas semanas para gozar dela, Daniela, aprovéitaa ben! 😍

Falando de escritores e escritoras

Aproveitando as lecturas que collemos cada semana na BBS, estamos a coñecer algúns escritores e escritoras de literatura infantil e xuvenil. Cada quen presenta ao escritor ou escritora do último libro que leu. Está a resultar moi interesante.

Mochila Viaxeira para Noa

Hoxe saíron de novo as Mochilas Viaxeiras, a de Sexto levouna Noa. Aprovéitaa ben, Noa, levas un feixe de lecturas, música e peli ben variado.

Mochila Viaxeira para Irene

A casa de Irene é o segundo destino da Mochila Viaxeira de 6º. De seguro que nesta finde longa has quitar bo partido de todo o que vai na Mochila. Xa nos contarás, Irene. 😀

A figueira de Pelostortos

Hoxe contamos A Figueira de Pelostortos nos contacontos do recreo na BBS. Foi o primeiro contacontos deste curso e como case estamos no Samaín tocaba contar un conto de ánimas e de paso botarnos tod@s unhas risas. Saiu moi ben!

Sodes uns cracks!

Entrada no blog da biblio sobre Pelostortos.