Cousas

Entre as sorpresas que fomos argallando para os últimos días de curso, o Concello de Rianxo agasallou aos grupos de 5º e 6º cun exemplar de Cousas de Castelao, unha boa lectura para o verán, un imprescindible como rianxeiros e rianxeiras e un bo recordo do paso polo Brea Segade.

Grazas, Concello de Rianxo!

O club de remo de Rianxo

Un grupo de rapaces/zas do club de remo de Rianxo estiveron con nós o luns pasado falándonos do seu deporte e animándonos a probar a remar este verán. Unha boa opción para gozar do mar e das vacacións, e quen sabe, igual hai hai quen lle colle gusto e continúe, come lles pasou aos rapaces que nos falaron.  Grazas ao Club de remo de Rianxo!

Convivencia dos Sextos

Hoxe á mañá participamos nunha xornada de xogos cos Sextos do CEIP Ana Mª Diéguez de Asados e o CEIP A.D.R. Castelao de Rianxo. Seremos compañeiros/as o curso que vén no instituto e hoxe puidemos empezar a coñecernos un pouco xogando xunt@s na praia da Torre. 

Menuda tropa!

Piragüismo

A semana pasada puxemos en práctica as nosas habilidades como piragüistas e descubrimos que temos potencial 😃. Estiveron con nós dous membros do Club de Piragüismo de Rianxo e pasámolo moi ben.

Grazas Club de Piragüismo de Rianxo!

Carreira de orientación

O xoves pasado iniciámonos nas carreiras de orientación, realizando unha proba no patio. Houbo que pensar, orientarse e despois... correr. Estivo moi ben.

Piscina

O venres pasado comezamos as actividades na piscina en Educación Física. Que ben o pasamos! E aínda quedan 3 venres máis! 😃

Con José Vicente Somoza

Onte veu visitarnos José Vicente Somoza, o bisavó de Carla Rial. El foi quen atopou o Casco de Leiro e levabamos tempo querendo que nos contase de primeira man como foi atopar un dos achados máis importantes da Idade de Bronce. Carla xa nos dixera que daba gusto escoitalo e tiña toda a razón.  Contounos moitas cousas que non sabiamos e outras sobre as que xa leramos, pero que, contadas por el, resultaron aínda máis interesantes e nos quedaron máis claras. Grazas a el o Casco de Leiro forma parte do noso patrimonio e todos/as podemos coñecelo. 

Grazas, José, por vir falar con nós. 

Grazas a Sandra e a Manuel, por acompañalo. 

O casco de Leiro

Claudia e Héctor fixeron o seu traballo sobre o casco de Leiro en soporte dixital. Aquí o temos.

Orghullo Rianxo 2022

Estes son os carteis elaborados por: Adriana, Alejandro, Claudia, Carla Fungueiriño, Carla Rial, Héctor, Icía e Irene para conmemorar o Día do Orghullo, que se celebra o 28 de xuño. Podedes ver todos os carteis que participaron no concurso que organizou o Concello, no Auditorio de Rianxo. 

 

Parabéns a tod@s! 

Polos carteis e polos valores que transmiten todos eles.

Encontro co Barbanza Rugby Club

O mércores na clase de Educación Física tivemos un encontro con membros do Club de Rugby Barbanza. Comezamos vendo un vídeo na clase, para a coñecer como empezou e en que consiste o rugbi e despois fomos ao pavillón e tivemos unha sesión de inciación con: pases, desprazamentos, formas de caer sen mancarnos... Foi divertido!

Grazas ao Barbanza Rugbi Club por achegarvos ao cole para ensinarnos en que consiste o rugbi!