Luz

Levamos semanas traballando e experimentando sobre a luz. Entre outras cousas construímos os nosos Kaleidoscopios, para experimentar coa reflexión da luz e cos obxectos opacos, translúcidos e transparentes. Tamén usamos as lupas para intentar queimar papel, de momento sen éxito, e comprobamos a refracción da luz ao pasar do aire ao auga. Moi interesante!

Ourizo de mar

Noa tróuxonos o caparazón dun ourizo que atopou este verán e que lle lembrou ao traballo sobre iequinodermos que fixeron ela e Héctor en 5º. Aproveitamos para visitar os traballos de invertebrados que aínda están expostos nas escaleiras. Que bos traballos fixerades!

Grazas, Noa!

Experimentando coa materia

Empezamos de novo cos experimentos en Naturais. Estamos a ver os cambios na materia, de momento con tres experimentos:

1. Limpar moedas vellas en sal e vinagre.

2. Ver o efecto do limón na oxidación dunha mazá.

3. Efectos do sol sobre o papel do xornal.

Autoxiros

Héctor recomendáranos o curso pasado varias actividades dun libro que collera na biblio, pero non tiveramos tempo a facelas xuntos. Decidimos comezar o curso con bo pé, poñéndonos ao día do que tiñamos pendente. Aquí tedes os nosos "autoxiros" en acción!! 

Grazas, Héctor, moi boa recomendación!

Invertebrados

Este mes estivemos traballando en grupos sobre os diferentes tipos de invertebrados. Investigamos sobre eles e elaboramos murais. Hoxe expuxemos os traballos e presentamos os murais. 

Moi ben, Quinto! Moi bos traballos! 👏👏

Reprodución asexual das plantas

Levounos un tempo, pero por fin puidemos ver como os gallos dunha flor de cera ao estar metidos en auga sacaban raíces. Xa temos unha nova planta na clase. Agora toca coidala.