Obradoiro de títeres

Esta semana estamos a participar nun obradoiro de títeres impartido por Electra Menéndez, da asociación Morreu o demo. Comezamos elaborando guións para as nosas obras de títeres, que van ser tres diferentes, coa temática das viaxes. Guións listos! Mañá comezamos coas personaxes, decorados e attrezo e remataremos representando as nosas obras. Que ganas!

Viaxando por Europa V

Rematamos coas presentacións sobre os nosos lugares favoritos de Europa. Moi bo traballo, rapaces e rapazas! Boas presentacións, boas animacións e boas exposicións. Bravo! 👏👏

Viaxando por Europa IV

Novas presentacións, novos destinos apetecibles no continente europeo e novos xeitos de animar e presentar a información. Continuamos vendo moi bos traballos.

Viaxando por Europa III

Novas presentacións sobre os nosos lugares favoritos de Europa. Seguides demostrando que as presentacións dinámicas non teñen segredos para vós.

Viaxando por Europa II

Seguimos compartindo presentacións de países de Europa que vos gustaría visitar. Seguimos comprobando que estades feitas unhas cracks nisto das presentacións e das animacións de textos e imaxes. Moi bo traballo!

Viaxando por Europa

Despois dunhas semanas traballando sobre Europa e aprendendo a facer presentacións animando  imaxes e textos, comezamos a expoñer os traballos. Están moi ben! Cada quen escolleu que lugares visitaría en Europa e preparou unha pequena ficha sobre o país. Compartimos as presentacións en PDF, así que perdemos as animacións, pero o certo é que temos expertos/as na clase en presentacións dinámicas. Bravo!

A miña grande viaxe

 Despois de escoitar o conto co que a BBS abriu o curso este ano A grande viaxe de Anna Castagnoli, puxemonos a falar sobre cal sería a nosa grande viaxe e despois pasámolo a papel, decorámolo e presentámolo ao resto da clase. Aquí están, grande variedade de destinos reais e imaxinarios:

Grandes viaxeiros e viaxeiras

Ao longo do curso, dentro do proxecto De viaxe!, que coordinou a BBS, na nosa clase investigamos sobre os grandes viaxeiros e viaxeiras que tiñamos nas nosas familias. Descubrimos que pais, avós, avoas, bisavós, bisavoas, tíos e tías viaxaron moito e visitaron países, nalgúns casos moi lonxanos, por diferentes motivos. Con toda a información que recollemos organizamos libros con lapelas nos que presentamos aos grandes viaxeiros/as, os seus motivos para viaxar, os lugares que visitaron e as anéctodas que nos contaron. 

Nestas últimas semanas do curso estamos poñendo en común o que descubrimos, presentando os libros con lapelas e compartindo o que aprendemos sobre os nosos familiares.Está a resultar moi interesante!👌😀

Viaxeiras

Carla, Alejandro e Icía presentáronnos esta semana as súas investigacións sobre tres mulleres viaxeiras, que xa remataran no mes de abril, pero que aínda non compartiran na clase. Fantásticos traballos e presentacións!

Mulleres viaxeiras

Estamos descubrindo a vida e as viaxes das incribles mulleres que forman a exposición que eleaboramos entre todas as aulas para o Día da Muller; todas elas sorprendentes e moi interesantes.

8M: mulleres viaxeiras, Exeria

Este ano, para conmemorar o 8 de marzo traballamos sobre mulleres viaxeiras, seguindo así co tema do proxecto da BBS deste curso. Na nosa clase investigamos sobre Exeira, a primeira galega cronista de viaxes. Sorprendeunos!