Experimentando coa materia

Empezamos de novo cos experimentos en Naturais. Estamos a ver os cambios na materia, de momento con tres experimentos:

1. Limpar moedas vellas en sal e vinagre.

2. Ver o efecto do limón na oxidación dunha mazá.

3. Efectos do sol sobre o papel do xornal.

Oxidación

Seguimos experimentando coa materia e os seus cambios. Hoxe estivemos observando e recollendo datos sobre un cambio químico, a oxidación. Deixamos anacos de mazá con tona, sen ela, con sementes e sen sementes nuns pratos e fomos observando os cambios ao longo da mañá. Tras 4 horas expostas ao osíxeno a nosa hipótese principal confirmouse:

- Oxídase máis a mazá sen tona. 

- Oxídase máis a parte que está en contacto directo co aire.

Tamén observamos que a tona non se oxidou, que a oxidación só se deu na parte exterior dos anacos e que unha das mazás ten un  estraño triángulo na superficie que non se oxidou 👀

Comprobaremos o estado das mazás pasadas 24 horas...

Solubilidade

Seguimos traballando coa materia, hoxe experimentamos cunha das súas características, a solubilidade, aplicando o método científico: plantexamento de problema, hipótese, experimento, observación e conclusións.

 

Comezamos:

Solutos: aceite e azucre

Solutos: vinagre e sal

Disolvente: auga

E se botamos o aceite antes?