O club de remo de Rianxo

Un grupo de rapaces/zas do club de remo de Rianxo estiveron con nós o luns pasado falándonos do seu deporte e animándonos a probar a remar este verán. Unha boa opción para gozar do mar e das vacacións, e quen sabe, igual hai hai quen lle colle gusto e continúe, come lles pasou aos rapaces que nos falaron.  Grazas ao Club de remo de Rianxo!

Primeiros Auxilios

Onte Sandra e Sonia, nais de Carla Rial e de Sabela e Helena, e enfermeiras de profesión, estiveron con nós ensinándonos nocións básicas de primeiros auxilios. Canto aprendemos! Trouxeron un par de bonecos para reanimación, un desfibrilador e un montón de boas recomendacións  sobre como actuar en situacións de emerxencia, accidentes, feridas...

Grazas, Sonia e Sandra! Foi moi interesante!

Piragüismo

A semana pasada puxemos en práctica as nosas habilidades como piragüistas e descubrimos que temos potencial 😃. Estiveron con nós dous membros do Club de Piragüismo de Rianxo e pasámolo moi ben.

Grazas Club de Piragüismo de Rianxo!

Carreira de orientación

O xoves pasado iniciámonos nas carreiras de orientación, realizando unha proba no patio. Houbo que pensar, orientarse e despois... correr. Estivo moi ben.

Piscina

O venres pasado comezamos as actividades na piscina en Educación Física. Que ben o pasamos! E aínda quedan 3 venres máis! 😃

En bici

 Hoxe tivemos a sesión práctica cos adestradores do Club ciclista padronés Cortizo. 

Club ciclista padronés Cortizo

 

Hoxe tivemos unha charla organizada pola Aula de Educación Física sobre o Club de ciclismos de Padrón. Foi a parte teórica dun obradoiro que teremos o vindeiro mércores e no que xa participaremos con bicis e cascos. 

As nosas medallistas

Parabéns!

Carla e Irene recibiron hoxe as súas medallas despois de quedar terceiras no campionato de bádminton.

Moi merecidas esas medallas!  Parabéns!