2ª visita do CRA

Este mércores recibimos a visita a Máis ca leña das escolas do Cruceiro e Cubide do CRA de Rianxo. Os nosos veciños e veciñas de Infantil tiñan moitas ganas de achegarse ao Brea e a Campo Maneiro e nós moitas ganas de recibilos. Estiveron moi atentos/as, fixeron preguntas e ata nos cantaron unha canción co poema do burro de Manuel María. Así dá gusto!

Grazas, profes, nenos e nenas de Cubide e do Cruceiro. 

Encantounos que viñérades coñecer Máis ca leña con nós.

Visita do CRA

Este mércores recibimos unha nova visita a Máis ca leña. Viñeron os nenos e nenas das escolas de Outeiro e Capela do CRA de Rianxo. Gustounos moito recibilos e acompañalos a coñecer os usos do monte que propón o proxecto Máis ca leña. Había nervios, pero en canto vimos o feitos/as que eran xa todo foi ben. E como sempre, as cabras e os burros foron as estrelas da visita 😎

Grazas por vir visitar Máis ca leña con nós!

¡

As familias visitan Máis ca leña

Por fin! Despois de varios intentos que non puidemos realizar pola chuvia, hoxe as familias que tiñan libre pola mañá, achegáronse ao cole e visitaron con nós a área de Máis ca leña. 

Grazas por vir! 

Tiñamos moitas ganas de compartir este proxecto con vós. 

De plantación en Filgueiras

Hoxe estivemos plantando castiñeiros e freixos en Filgueiras. Volvemos a colaborar coa Comunidade de Montes o Fieitoso de Taragoña e con Fousas ao Monte para continuar enchendo o noso monte de árbores autóctonas. Acompañáronnos Emilio, Nati e Miguel e baixaron tamén a Paquita, que levou unha chea de aloumiños 😍.

Grazas, Comunidade de Montes e Fousas, polo voso traballo e por compartilo con nós!