venres, 22 de outubro de 2021

Día das bibliotecas: Bubisher e merlos

Este venres celebramos no cole o Día das bibliotecas, que este ano cae en domingo. Descubrimos que existen bibliotecas "en movemento" e sobre todo falamos dos bibliobuses e bibliotecas nos campamentos dos refuxiados saharauís, o Bubisher. Tamén comezamos a falar do poeta rianxeiro Faustino Rei Romero, o poeta dos merlos. Busbishers e merlos foron os protagonistas do noso día das bibliotecas e serán os protagonistas da entrada do colexio.

xoves, 21 de outubro de 2021

Directos do recreo

Novo programa en directo da Radio BBS no recreo do xoves. Imos collendo soltura, vese que en Quinto hai madeira de locutores e locutoras.😊

luns, 18 de outubro de 2021

Regletas dixitais

A semana pasada descubrimos un novo recurso Edixgal para a área de Matemáticas, as regletas dixitais. Seguro que nos van dar moito xogo, xa no primeiro día resolvemos retos propostos e sorprendémonos con creacións propias. Mirade...

domingo, 17 de outubro de 2021

Bibliotecas en movemento

O 24 do outubro celébrase o Día das Bibliotecas. Esta semana imos falar sobre diferentes tipos de bibliotecas, sobre a súa importancia e sobre o que atopamos nelas os usuarios e usuarias. Comezamos lendo e falando sobre bibliotecas en movemento. Entrade nos enlaces que están debaixo das fotos e descubriredes bibliotecas únicas.  





De aquí para allá... con la Biblioteca a todos lados! 

 

 9 bibliotecas itinerantes que llevan cultura a las regiones más remotas del mundo

sábado, 16 de outubro de 2021

Globos aerostáticos

A BBS pediunos axuda para decorar o taboleiro da entrada co lema do proxecto deste curso De viaxe! Temos que decorar un globo aerostático entre toda a clase. 
Comezamos por deseñar, cada quen de nós, un globo aerostático que nos servirán de inspiración, para recoller ideas e para dar vida ao noso corredor. Así de chulos quedaron! O da clase está en proceso...

ç

Radio BBS

Esta semana comezamos a colaborar nos directos do recreo da Radio BBS. Os mércores e xoves os axudantes da BBS emiten en directo e pódense escoitar no patio e na biblio. Nós emitimos os xoves. Carla, Claudia, Alejandro e Alexander foron os primeiros. Aquí os tedes, uns auténticos profesionais!

venres, 8 de outubro de 2021

Somos axudantes da BBS!

Todo 5º empeza este curso a colaborar coa BBS. Vai ser só nos recreos dos xoves, o noso día de biblio, pero hai un montón de tarefas a facer e un montón de mans para colaborar. Comezamos!