Onte Sandra e Sonia, nais de Carla Rial e de Sabela e Helena, e enfermeiras de profesión, estiveron con nós ensinándonos nocións básicas de primeiros auxilios. Canto aprendemos! Trouxeron un par de bonecos para reanimación, un desfibrilador e un montón de boas recomendacións sobre como actuar en situacións de emerxencia, accidentes, feridas...
Grazas, Sonia e Sandra! Foi moi interesante!
Por pouco queda sen ela! 😅 Pero ao final as Mochilas sempre van a todas as casas.
Que gocedes moito dela, Carla!
Onte veu ao colexio Jesús, o pai de Miguel, para falarnos sobre os cegos/as e o que utilizan
para comunicarse. El sabía moito porque ten unha discapacidade visual polo que non ve ben. Jesús
ensinounos os diferentes tipos de bastóns. Díxonos que si o bastón é completamente branco significa
que a persoa é só cega, pero se o bastón ten liñas brancas e vermellas é que a persoa é cega e xorda.
Tamén nos dixo que había unhas lentes para os que non son totalmente cegos (que é o seu caso) que
axudaban a ver mellor os chanzos das escaleiras e deixounos probalas. Todos estabamos moi atentos ao
que dicía. A súa muller, que tamén estaba alí, tiña uns xogos e libros en Braille que lle deixara unha
amiga cega e deixounos utilizalos.
Jesús traballa na ONCE, unha organización que axuda aos cegos españois. O 90% do diñeiro que
gañan ven do cupón que venden. Díxonos que hai máis de 23.000 persoas traballando para a ONCE.
Para nós foi unha charla moi interesante e agradecémoslle moito a súa visita.
Carla Fungueiriño
 |
| Grazas, Jesús! Grazas, Tamara! |
