Contatrás II-I

Miles de libros

Esta foi unha semana ben intensa. De luns a xoves nas Horas de Ler contamos para todas as aulas do cole Miles de libros de Eduardo Baamonde. Máis que contar, representamos: aprendémonos os textos, buscamos xeitos de ambientar as escenas, ensaiamos e ... Acción! 

O mellor foi que participamos todos/as e iso sempre o fai máis divertido.

Ensaios

Estes días andamos cos preparativos para o contacontos que compartiremos cos compañeiros/as de todo o cole a semana que vén. Rematou abril, pero seguimos celebrando os libros e a lectura.😃

A voar!

Ás para remontar o voo

Hoxe celebramos no cole o Día do Libro, que foi o sábado. Comezamos completando a mensaxe aos nenos e nenas do Día do Libro Infantil. Para iso fixemos por equipos un "ditado en movemento" coas palabras que faltaban no texto.

Despois, unha vez lemos a mensaxe, elaboramos avións de papel e os decoramos con títulos e ilustracións dos nosos libros favoritos.

E rematamos facéndoos voar!

"As historias son ás para remontar o voo"