De plantación

Este xoves participamos na plantación de árbores autóctonas na subida a Ourille e visitamos fixemos con Emilio todo o percorrido do proxecto Máis ca Leña para ir collendo información e practicando para cando nos toque a nós ser os/as guías, que xa falta pouco. 

Entrade no blog da BBS para ver o resumo do que foi a mañá de plantación coa participación das diferentes clases.

Aquí estamos nós en acción! 😉 

Casulo de mantis relixiosa ou barbantesa

Grazas, Emilio!

Encontro con Adrián Dios

Onte estivo nosa clase, Adrián Dios, economista, profesor na Universidade de Santiago de Compostela e xogador e adestrador de baloncesto. Convidámolo a vir falarnos sobre economía, a explicarnos un montón de dubidas que tiñamos sobre ese tema.

Foi moi interesante! Estivemos máis de dúas horas falando con el  sobre cartos, bancos, o euro, a peseta, a inflación, hipotecas, o Banco Europeo, a pobreza, a riqueza, os paraísos fiscais...  Máis de dúas horas falando sobre economía! Quen nolo ía dicir!

Grazas, Adrián, por achegarte á nosa clase e ser quen de explicarnos cousas, que ata hoxe parecían moi complexas, de xeito tan cercano e interesante!

Para a próxima temos que xogar a baloncesto! 😀

Obradoiro de nutrición

O venres pasado comezamos un obradoiro de nutrición, ofertado polo Concello de Rianxo e impartido polo nutricionista rianxeiro, Eloy Rial Figueira. Esta actividade desenvolverase ao longo deste trimestre, un venres ao mes. 

Eloy falounos dos alimentos que precisamos para a nosa dieta e dos que temos que consumir en menor medida, dos nutrientes e de hábitos de alimentación saudables. Levamos traballo para casa, actividades sobre alimentación que temos que facer coas familias, antes do mes que vén. Canto imos aprender!

Microciencia

Esta semana descubrimos quen foi Robert Hooke e estivemos dándolle uso ao seu principal invento, o microscopio, para ver algúns seres inertes e vivos: microciencia na biblio 😉

Poemas para construír a Paz

Estamos lendo poesía, Poemas para construír a Paz, unha escolma de poemas realizada pola BBS para traballar nas aulas sobre a paz e a non violencia. Cada día un de nós le un poema que escolleu e preparou na casa. Lemos e comentamos, porque nós tamén podemos construír a paz.

Atmosfera

Esta semana comezamos a traballar sobre o clima e o primeiro ten que ser, claro está, coñecer mellor a atmosfera.

Tomando medidas

Comezamos a traballar coa lonxitude e andamos a medir todo o que se nos poña diante, empezando por nós.😉

Wordle

Serás capaz de adiviñar a palabra en seis intentos? Proba!

Viaxando!

Hoxe estivemos poñendo en común a información que procuramos nas casas sobre os lugares nos que temos ou tivemos familiares vivindo ou traballando, durante algún tempo. Tremenda mina de información temos! 😍

Claudia e Almudena trouxeron pasaportes e fotos, unha pequena mostra do moito que temos por descubrir.

Un bo comezo para poñernos a investigar e a darlle forma a todo o que nos poden contar e achegar desde as nosas familias. 😃

Ave do 2022

Comezamos o 2º trimestre! Seguimos viaxando; agardamos descubrir moitos lugares novos, coñecer seres vivos interesantes e gozar moito do camiño que nos queda por diante. Para comezar imos coñecer a 3 aves que compiten sanamente entre elas para ser a ave do ano 2022. É unha iniciativa da SEO Birdlife (Sociedade Española de Orniotoloxía), que cada ano escolle a un ave ameazada para dar a coñecer a súa problemática e contribuír así a mellorar a súa situación. Descubramos á tartaraña cincenta, ao picanzo cabecirrubio e ao ruisinol de mato. Cal é o teu favorito?